Il Friūl e la sō Storia
Il Friuli e la sua Storia

Storie dal Friul- 3
(Societāt Filologjiche Furlane - Par cure di Luzian Verone)
Epoche veneziane (1420-1797), napoleoniche (tra 1797 e 1815), 
austriache (dal 1815 al 1866 e al 1918) fin a l'union cu l'Italie. 

La bissebove napoleoniche

          Za dal '700 Vignesie e veve scomenēāt a da segno di decadence dal pont di viste militār par cause des vueris cui Turcs che a vevin ocupāt gran part dai soi possediments in dut l' Orient, cu la piardite des isulis grechis e di unevore di puarts dulą che i venezians a vevin un pont di riferiment par sbarcjā, tignī i Iōr magazens e vź une rapresentanze comerciāl. Cheste sielte di rinunzie e veve puartāt la republiche a une pulitiche neutrāl in plui di une ocasion, come che o vin viodūt. Dut chest al sucedeve sģ par une sielte pulitiche, ma soredut par vie che i vuadagns comerciāi no jerin plui cuissacč e cussģ lis cassis de republiche a stavin lant al mąncul. Cheste pulitiche neutrāl si ripeté ancje dal 1796, in ocasion de prime vuere di coalizion (austriaca, prussiana, inglźs, piemontźs, napoletans e papalins) cuintri dai francźs di Napoleon. Chest fat al veve puartāt austriacs a scugnģ passā pal Friūl, pal mār e la tiareferme di Vignesie par lā a combatti cuintri dai francźs za rivats dongje dal teritori de republiche. Intant l'esercit napoleonic, lassade in bande la neutral Vignesie, al rivą a Trevīs par continuā viars il Friūl. Il 15 di marē al rivā. sul Tiliment e lis trupis si atestąrin su la sponde destre dal flum, intant che l'arciduche Carli d'Asburc cui so esercit si jere postāt su la sinistre. A chest pont i francźs a fasčrin fente di acampāsi sul puest, ma al improvīs a scomenēąrin a trai cui canons par cuviarzi l’assalt de fanterie e de cavalarie comandate dal gjenerāl Murat. I austriacs, cjapāts di sorprźse, a sgnunivin ritirarsi su la seconde linie difensive, ma i francźs ormai a vevin viart un vārc te difese e sence dā un moment di polse al nemģ, e continuarin te avanzade. L’ultime difese imperiāl e fo tentade tal paīs di Guricģz, dongje Codroip. Po la fughe precipitose. Sul cjamp a restarin cirche 4.000 muarts che a fņrin sepelīts in fuessi comuns. Il ricuārt di cheste batae al restą vīf par sčcui tai abitants di chei paīs e ogni an lis rogazions a sostavin in chel lūc in ricuart di chel montafin.

Tes zornadis sucessivis i napoleonics a ocupąrin Palme e il 18 di marē a jentrąrin a Udin al comant dal gjenerāl Bernardotte. L’imburide avanzade dai francźs e continuą fin a Gurize, tes valadis dal Vipą e te Valcjanāl par fermāsi a Leoben, a cent chilometros da Viene. In chź localitāt a fņrin inviadit tratativis cul arciduche Carli che, programadis a Cjampfuarmit, a fņrin firmadis a Vile Manin di Passarian. In fuarce di chest tratāt l’Austrie e cedeve ae France i Paīs Bās e la Lombardie, par vź in gambio non dome il teritōri todesc che Napoleon al veve invadūt, ma ancje il Venit, il Friūl e Vignesie cun ogni so possediment in Istrie e Dalmazie. In chel tratāt dal 26 di avost e jere stade fate une comprevendite di pņpui. A Vignesie i napoleonics a jentrąrin il 15 di mai, ma za quindis dīs prime il Consei majōr e il dōs a vevin abdicāt al podź. In cheste maniere dodis secui di storie veneziane a jerin stāts metūs a tasź cu la fuarce des armis. Il 9 di zenār dal 98 i francźs e lassavin il friūl par cedilu a l’Austrie. Lis trupis napoleonichis a jerin restadis chenti dome nūf mźs, ma a jerin bastās par permeti ae soldatae di robā gran pārt dal patrimoni sei artistic- culturāl che in ąurs e tesaurs. Tal stes timp a vevin imponūt ancje tassis grandonis in robe e beēs fasint ogni sorte di prepotencis ae int furlane.

Intant France e Austrie a vevin tornāt a contindisi a i lōr esercits a combatisi. Dal 1805 Napoleņn al batč l’esercit imperiāl e al torną a occupą il Friūl ch’al fo incalmāt tal cussi clamāt ream d’Italie creāt di Napoleon. Intant dai vot agns seguitīfs, perņ, il Friūl al fō inmņ contidūt tra Austrie e France, tant che dal 1809 l’esercit austriac al rivą a invadi di gnūf Udine e il vescul Baldassare Rasponi al organizą in Domo un Te Deum di ringraziament. Ma i francźs a tornąrin dopo pōcs mźs e a volevin copą il vescul. Chest si salvą dome par intervent dal fiastri di Napoleon, Eugjeni di Beauharnais, vicerč di’Italie.
Intant dai agns di ocupazion dai francźs il Friūl al tornā a mudą la sō gjeografie: chel ch’al jere stāt venit al jentrą a fā part dal dipartiment di Passarian, intant che Gurize e il Friūl orientāl a fņrin incalmāts te “provincie illiriche”. In che agns il guviār francźs al proviodé a introdusi impuartadis novitāts ministrativis che a puartarin un rinovament te societāt locāl, come l’anulament di ogni vantāē de nobiltāt, l’introduzion dal codiē civīl napoleonic ch’al proviedeve il matrimoni in municipi e il divorzi. Il clero a fō tartassāt tant che a fņrin dineadis lis decimis ai predis che no vevin cure d’animis, a fņrin sospindudis lis congregazions religjosis e ai predis al fō proibīt di fevelā furlan tes scuelis maternis. Ae diocesi al fō recuisīt ( e mai plui tornāt) il semināri ch’al jere dulą che cumņ a je la preture di Udin. Ma cun Waterloo al finģ ancje il cūrt imperi di Napoleon e il Friūl, dopo il congrčs di Viene dal 1815, al torną sot i Asbūrcs e insedāt tune pesant clime di restaurazion. Anche in chest cās l’Austrie e perpetuą la division dal Friūl: chel včnit al fō assegnāt al Lombart-Venit, intant che i teritōris di Gurize e di Gardjscie a jentravin a fā part dal reąm de Ilirie, metūt adun dal 1816 cu lis tre provinciis de Carintie, de Carniule e format (cun Triest e l’Istrie) il Litorāl Adriatic. Cheste situazion e restą invariade fin dal 1866 tal Friūl ocidentāl e fin al 1818 in che gurizan. Al resta di domandāsi perņ su la fonde di quāle logjche dal 1838 il Friūl concuardiźs cun dacjāf Puartgruār al fo assegnāt ae provincie di Vignesie. Prime di concludi, infģn, vāl la pene fā cualchi cunsiderazion sul l’occupazion veneziane, lassant fūr el timp napoleonic ch’al durą pōcs agns.
E je vere che la Serenissime e assegną al Friūl une posizion di sotanance, ma al č ancjetant vźr ch’e lassą ai furlans lis lōr istituzions, ancje se chestis a jerin disvuedadis dal podč reāl: il Parlament (l’ultime sedude e fo fate dal 1805); lis autonomīs comunāls e chźs rustichis des viciniis cui lōr statūts e l’stituzion del “contadinance” (il cuart stāt) ch’e podč dā vōs ai contadins, ancje se a jerin pōc scoltāts dai nobii siarāts te lōr supierbie; l’eliminazion de “servitūt di masnade”, magle morāl de nobiltāt e de borghesie. Cert Vignesie si disinteressą dal dut des riformis cha a coventavin al teritori furlan, e sciafoią sul nassi ogni iniziative ch’e podčs fā concorince ae produzion veneziane, e tignģ il Friūl come une braide pa vź lens pal so arsenāl e contadins pe sōs “cernidis”. Ma se o lin a viodi la situazion tal rest d’Italie nol č di maraveāsi di chel ch’al sucedeve in Friūl: il Piemont slambrāt des vueris par incressi il podč dai Savoia; Milan prime sot dai Sforza e po dai spagnūi che a puartarin une clime di desolazion in dute la Lombardie: Cussģ Mantue, prime fiscade dai austriacs, po devastade dai esercits francźs e imperiāi che si combatevin. E vie indevant. Come si viōt el panoram nol č consolant. Zontant inmņ sul cont de ocupazion di Vignesie, si po' dī ch’e ą savūt tignī un alc frenade l’aviditāt de nobiltāt; e ą riunīt dut el Friūl tune regjon uniche, eliminants lis enclavis di Pordenon e di dutis lis localitāts arciducāls, lis jurisdizions temporāls dai ents religiōs, come badiis, munastīrs, la comende di Precenins ecet. Sicchč il Friūl al veve cessāt di sei un teritōri a magle di leopart dividūt tra nobiltāt locāl e foreste. Ma la robe plui inpuartant che Vignesie e je rivade a otignī, e je stade la pās ch’e je durade unevore di timp, soredut dopo la vuere di Gardiscje (1615-1617)

NOTE SU JACOP LINUSSIO

Tra i oms che a mčrtin ricuardāts pal Sietcent al č dal sigūr Jacop Linussio, inlumināt imprenditōr cjargnel. Par solit te storie dai popui e comparissin simpri leterāts, storics, poets, scritōrs, pitōrs e gienerāi che e an vinēūt tantis vueris. Dificil viodi cualchi profīl su oms che cul lavōr e lis ideis a son rivāts a mudą un alc in miōr lis condizions di une regjon o di un stāt. Josef Marchet tal so “Il Friuli, uomini e tempi” al dediche avonde spazi a chest industriāl cjargnel “fat dibessōl”. Al jere nassūt a Paulār dal 1691 di une modeste famee. Dopo cualchi istruzion elementār al lč a imparā il mistīr a Villach, in Austrie, dulą che la produzion e il cumiarē dai tessūts al jere avonde svilupāt e diviars cjargniźi a vevin cjatāt bon stā. Cu la cognossude vite sparagnine dai furlans dopo quindis agns al jere rivāt a meti in bande un pōcs di bźēs e cun chei, a 27 agns, al implantą un piēul opifici a Mueē per lavorazion dal lin: al jere l’inizi di une opare destinade a vź un grant e impensāt svilup in chest teritōri. In cūrt la gnove fabriche a deventā insuficient pes richiestis di prodot e di int ch’e domamdave li lavorā. Tignint in ativitāt la fabriche di Mueē Linussio al viarzč un’altre plui grande a Tumieē, ma ancje chź, dopo pōc, a devetą insuficient. E cusssģ al decidč di comprą la tiare pa fā sł un stabiliment. La costruzion a durą cinc agns e al fo necessari un prestit di vot mīl ducāts domandāts a une Confraternite di Udin. Intant al jere rivāt a vź une licenze e facilitazions doganāls di Vignesie, disint che lui al produceve tiessūts che te republiche no si produsevin e che duncje non faseve nissun dam ae economine veneziane. Anzit, el faseve sparagnā bźēs tanche che chź robe prodote da Linussio e scugnive sei comprade tal forest paiant dazi. Cundiplui cu lis sōs fabrichis al veve mudāt in alc di miōr la vite di tantis fameis adat di vore a tante int. Al tiesseve lanis mistis, tiessūt di Fiandre, di San Gallo, cjanaipe, lin e stope. Une tal produzion e sarčs costade masse a ogni industrie, ma Linussio la faseve lavorā tes cjiasis furnidis di telār, sparagnant cetant. Cu la grande produzion dal stabiliment di Tumieē al rivave a furnī citāts come Londre, Parigji e Rome, cun magazens a Napoli, Cadice e Costantinopoli. Il lavōr al jere organizāt ben: a Mueē al faseve purgā e sblanchizā il prodņt, intant che a Tumieē al faseve tiessi e lavorā i filāts, al comprą une tignude di dusinte etars a S.Vīt dal Tiliment, dulą ch’al coltivave il lin che po a distribuive aes fameis che lu tiessevin. Dal 1736 a jerin bielzą tremīl lis personis che a lavoravin par Linussio e lui al diseve di volź dā di vore a dutis lis 160 vilis de Cjargne. A Mueē a operavin cent feminis e cent oms, te fabriche di Tumieē a jerin plui di 1.200 telārs e altri cincuante distribuīts pes fameis pe filadure a cjase. In plui a jerin i operaris di S.Vīt. La produzion e rivą a cuarantemīl piecis, sence contā lis viadanis (telis pe velis des nāfs). In Cjargne no jere mai stade une imprese tant ben formade e puartade indenant cun coragjo come chź di Jacop Linussio che al rivą a fāle deventā la plui grande manifature di tele d’Europe. Al incjarną pardabon lis miōrs cualitāts de int cjargnele par sobrietāt di vite, leąm ae famee el al paīs, coragjo in ogni ocasion ma nņ imprudence, condurance invincibil in ogni dificultāt, sei economiche che burocratiche. Al murģ adōre par cause di māl di gole, lassant cuatri fiis. Al jere il 1747. La so fabriche e podč lā indevant inmņ par un setant’agns, po e discomparģ stant ch’e jere vignude a mancją une guide sigure. E la Cjargne sence lavōr e torną te miserie. In timps avonde resints a Londre e a Parigji a fņrin cjatāts cuadris dal nestri grant pitōr Nicolņ Grassi di Formeās in Cjargne, vivūt juste tal timp di Linussio. Il biel al č che Grassi non jere mai stāt ni a Londre ni a Parigji. La veretāt e jere che Linussio al mandave ai soi miōrs clients un cuadri dal Grassi come regāl di Pasche o Nadāl, anticipant di almancul dusinte agns la mode dal Nūfcent. Ce ch’al ūl dī vź ideis !

NOTE SU F. BERNART DE RUBEIS

Francesc Bernart De Rubeis (1687-1775) al jere un inlumināt studiōs dal Sietcent, che insieme a une nudride schirie di cultōrs di storiografie locāl, come Francesc Beretta (1678-1768), Giuseppe Bini (1689-1773) e altrīs, al ą dedicāt tant pārt de so vite ai studios storics, in particulār su Aquilee. Dopo scielzūt di deventā frari domenican, De Rubeis al studią filosofie a S. Miniato e teologie a Vignesie dulā che, une volte superāts i esams, al deventarą lui stčs insegnat, restant te citāt lagunār par in vite. Ae storiografie, al ą scrit Marchet, De Rubeiss al rivā par cās. Ocupantsi di problems teologjics, al scugnī interessāsi ancje di eresiiis e, tra chis altris, chźs che a fņrin la cause dal sisme dai Tre Cjapitui, fat ch’al slontaną la glesie di Aquilee di chź di Rome dal 559 a 699. Salacōr al continue Marchet, e fo propit che ricercje ch’e puartą De Rubeis a interessāsi dai prins vescui e patriarcjis di Aquilee, stant che la storie dal Friūl di chei secui si indentificave cun chź de glesie. I soi studis a son stāts metūts adun te opare “Munumenta Ecclesia Aquileiensis”, scrits che ancje oreprisint a son une risultive organiche, precise crodibil de storie antighe de glesie e dal Friūl. L’opare stampade a Vignesie dal 1748 e fo compagnade di diviarsis monografiis sui diviars argoments: sul Vescul Rufin di Concuardie, sui rituāi liturgjcs acuileiźs, su la lote tra i patriarcjis di Grau e di Aquilee, sul sisme nomenāt e su la vite di S.Cromazi d’Aquilee, vescul de fin dal cuart secul. De Rubeis al ą scrit ancje tantis oparis, dutis travanadis di sience e testemoneadis dai documents. Vot ricoltis di letaris scritis a personalitāts dal timp, si cjatin te biblioteche Marciane di Vignesie.
Nassūt a Cividāt di nobil famee, la so vite si č davualtade tra codiēs, libris e cjartis te grande biblioteche dal so convent venezian. La sō muart e fō vajude di dut il mont de culture, no dome pe sō sapience e straordenarie erudizion ma ancje pe sō bontāt e modestie esemplār.

NOTE SU ANTONI ZANON

Antoni Zanon (1696-1770) al merte une note particulār, stante che, cu la fuarce des ideis, dal inzčn e de grande capacitāt imprenditoriāl, al rivą a mudą no pōc il destin di miserie de int furlane. Nol jere un rivoluzionāri, ni un pulitic, ni un poet: al jere un borghźs di culture e ancje un comerciant facoltōs ch’al doprą la sō vite in funzion sociāl. Za di zōvin al veve scomenēāt a cunsiderą la pussibilitāt di meiorą il lavōr des filandis di sō proprietāt. Al svilupą l’alevamente dai cavalīrs ancje se la int di chel timp no voleve savźnt, al viarzč gnovis stradis comerciāls par vendi i prodņts des industriis furlanis e al lavorą ancje in piardite pūr di no licenzią nissun operari.
“Vignesie in chel timp no faseve cuissacč pāl Friūl, ma lui nol jere om di fermāsi su fats pulitics o burocratics, al jere un om pratic e duncje al cirģ di risolve bessōl ce ch’al jere tes sōs pussibilitāts. Pūr jessint un borghźs e duncje di une famee ch’ e veve cetantis pussibilitāts, co al murģ nol veve nancje un franc di plui di chei ch’al veve cuanch’al veve scomenēāt e la int lu vaģ unevore come benefatōr de Patrie” (Marchet).
Par fā cognossi la situazion malandade dal Friūl dal timp, al tacą a scrivi lis “Lettere agli Ill.mi Accademici di Udine” par sensibilizą i oms de culture e i sorestants sui problems de regjon. Ma nol scrivč dome su chel cont: la sō dutrine e jere tāl di podč scrivi di filusufie, di piture, di etnografie e di leterature. Lis sōs “Letaris”, par esempli, a fņrin publicadis su “La frusta letteraria” e laudadis di un critic sevźr come Giuseppe Baretti (1719-1789) e l’amōr pe sō tiare lu ą pandūt tai dodis volums scrits e publicāts a Vignesie tra il 1763 e il ‘67, dulą ch’al trate di storie e di istruzion, di agricolture e di cumiārē, dai grans, des frabrichis e de concorince. Un om di fonde pe incressite sociāl e culturāl dal Friūl dal Sietcent.

LA UNIFICAZION DAL FRIŪL VČNIT A L’ ITALIE

I avigniments tra la fin dal XVIII secul e i prins dal XIX, savoltant il Friūl e manipolant dal pont di viste pulitic i soi teritōris secont critźris cence scrupui di pulitiche internazionāl che no rispietavin par nuie la sō reāl filusumie etiche-culturāl, a lassārin te popolazion delusion e suspičt viars ogni propueste di rinovament. I diviārs guviārs “provisōris” che in pōc timp si jerin sucedūts, a vevin mo lusingāt e modeludūt i sintiments patriotics di une part di lōr, lis aspirazions di libertāt di altris e la sperance reazionarie di altris ancjemņ. Vueriis, pidimiis e carestiis, cul seguitīf agravāsi de sirtuazion economiche gjenerāl, a alimentavin il malstą soredut des categoriis plui puaris. Par un altri viars i proviodiments dal guviār de Austrie, seancje intardāts, paternalistics e deludents per categoriis plui progredidis de borghesie, a jerin perņ in cundizion di sodisfą lis necessitās plui elementārs de maiorance dei citadins. 
Il pinsīr liberāl e l’idee nazionāl italiane dal sigūr a cjatąrin ancje in Friūl cetant consens tra la borghesie, ma la gran part de popolazion furlane, pūr viodint cun simpatie il moviment di unificazion, e restą indiferente e suspietose denant dai moviments dal Risorgjiment. Chest e spiege l’indifirence dal Friūl fin al 1848 viars manifestazions di ribelion cuintri l’Austrie. Ancje i ferments rivoluzionāris dal ‘48, no esistents tal gurizan, tal Friūl ocidentāl no rivąrin ad assumi impuartance particulār e si davualzčrin sul esempli e in relazion cui motos di Viene e di Vignesie.
Il 23 di marē, sot la pression dai fats internazionāi, il gjenerāl Auer al consegnave Udin e lis fuartecis di Palme e di Osōf al “Comitāt provisōri pal Friūl”. Ma ai prins di avrīl dal stes an l’armade di risiarve austriache, al comant dal gienerāl Nugent, e tornave a ocupą il Friūl distiarminant lis piēulis bandis costituidis dai patriots. Il 21 di avrīl Udin al jere di gnūf tes mans austriachis. Palme e resistč fin al 24 di jugn, Osōf fin al 12 di otubar, cuanche i difensōrs, ormai scunīts, si rindčrin al nimģ jessint de fuartece cul “onōr des armis, a micjis impiadis e bandieris displeadis” (Leicht). 
Dopo il ‘48 si svilupe une plui grande ativitāt tra i svareāts grops liberāi favorevui ae unitāt (daspčs in contrast tra di lōr) e che a rivin a vź simpri plui consens tal ambient de borghesie citadine e dai “possidents”, ma l’ativitāt no je tāl di rivą a dismovi l’indiference de pluritāt des massis catolichis rindudis malfidantis de esaltazion di diviars liberāi. Non fasarą maravee, duncje, lei che ae notizie de pās dal 1866, a Udin “non si rimarcą nissun segnāl di manifestazions, tanchč si fos tratāt di une pās tra Cine e Gjapon” (Quintino Sella).
Ai prins di lui dal 1866 l’Austrie, batude dai Prussians a Sadova, si impegnave a cedi il Venit a l’Italie e l’esercit austriac si prontą a lassą la regjion e a cjapą pusizion sul Lusinē.
Ae fin di lui l’armade italiane, al comant dal gjenerāl Cialdini, e jentrave in Friūl. La sźre dal 25 un ploton di lancīrs al jentrave a Udin; la zornade dopo il grues des trupis. Il 28 al rivą in citāt il stes gjenerāl Ēaldini ch’al ciapą cuartīr te vile Giacomelli di Pradaman. Il 12 di avost al vignive firmāt a Cormons l’armistizi tra l’Italie e l’Austrie. In conseguence de pās firmade a Viene il 3 di otubar, l’Austrie e cedeve a l’Italie il Venit cun gran part dal Friūl. La gnove frontiere stabilide tra i doi stāts e jere ancjemņ chź dal ream Lombart-Venit, perpetuant cussģ, anzit marcant inmņ di plui, la fatāl division pulitiche dal Friūl.

DE METĀT DAL SECUL XIX AE PRIME VUERE MONDIĀL

Il timp ch’al va de metāt dal XIX secul al sclopą de prime vuere mondiāl al regjistrą in Friūl, sei te part sot l’Italie sei chź sot l’imperi, un sigūr progrčs sociāl, economic e culturāl. In particulār l’economie si zovą di une profonde trasformazion pal bon numar di oparis publichis (stradis, acuedots, feradis, implants eletrics), de agricolture (plui razionalitāt des coltivazions, incressite dal partimoni des bestiis di stale, bonifichis, aument di boscam) e, seancje in misure ridote, de industrie (dal cotone, de tiessidure, filandis, ferieris, fabrichis di ciment). La vite inteletuāl si animą par merit di personis di gran inzen in ogni cjamp dal savź e l’istruzion elementār e rivą fin ae categoriis plui umilis de popolazion.
Chest progrčs perņ nol fo in cundizion di inviā une profonde riprese di vite regjonāl, restade in maniere inrimediabil taiade fūr dai gnūfs centris economics e pulitics e cundiplui inderedade di ducj i peams des tiaris di cunfin, propit in tune epoche dulą che i nazionalisins a lavin sgjavant agārs simpri plui profonts tra i popui. In particulār tal Friūl italian il progrčs segnalāt nol fo in cundizion di dā lavōr a ducj e il fenomin de emigrazion al cognossč in Friūl, propit in chest slambri di timp, formis e cuantitāts mai cognosudis prime, causant dams unevore grancj, sei materiāi che morāi ae societāt furlane, che si cjatą disprivade des sōs miōrs enegjis.
I guvjārs italians, lant daūr di une esagjerade pulitiche unitarie, e restąrin insensibii a ogni propueste di decentrament regjonalistic, a ogni azion di valorizazion des culturis locāls, e viodčrin tal Friūl (che il so non al discomparģ des denominazions uficiāls, supāt di chel de Vignesie Euganie) se no une code dal Venit e une zone di cunfin. Il guviār austriac (plui rispetōs, almancul tes formis, de individualitāt etniche) al viodč a sō volte il Gurizan tanche une periferie dal grant bazār triestin. La clas pulitiche locāl al podź, paraltri di laudą pe sō onestāt ministrative, no fu buine di frontą i problems furlans cun largje vision prospetiche, ni e rivą a vź une clāre comprension de pressant necessitāt di difindi l’unitāt etniche e stroriche dal Friūl. La borghesie, a sō volte, mo cultivant in maniere sentimentāl e infogade i ideāi nazionāi, mo infervorantsi pai grāfs problems sociāi dal timp in non di ideis socialistis o catolichis, e piardģ squasi dal dut la cussience de proprie individualitāt etniche e culturāl, piardint daspčs ancje il contat cu la realtāt sociologjiche popolār.
La prime vuere mondiāl e vignģ a savoltā ancjemņ une volte chest ambient ch’al jere si pesant, ma ancje plen di tantis promessis. La vuere tra l’Italie e l’Austrie, sclopade tal 1915, e puartą te regjon lis plui tragjichis conseguencis, pe presince de linie dal front tal cūr dal teritori, pal straordināri concentrament di trupis, pal disastri de invasion austriache dopo la disfate di Cjaurźt (1917), pal grant numar di muārts, sei tra i militārs che tra i civii, pe dure ereditāt di miserie materiāl e morāl che si lassą daūr.
La cuintri ofensive taliane su la Plāf, la disfate austriache, l’armistizi (1918) e infin il tratāt di pās cu l’Austrie, ch’e cedeve a l’Italie la citāt di Gurize cun duēj i teritoris furlans a soreli jevāt, a tornąvin a dā al Friūl la sō integritāt etniche.

DE PRIME VUERE MONDIĀL AE REGJON FRIŪL - VIGNESIE JULIE (1919-1963)

Lis dolorōsis esperiencis seguitivis ae prime vuere mondiāl, la crisi economiche, la ditature fassiste, la tragjedie de seconde vuere mondiāl (fin a l’incorporazion de regjon tal Tiarē Reich), lis lotis de Resistence, a metčrin anciemo a dure prove il Friūl.
Te dibatude sistemazion dal dopo vuere il Friūl al torną a cjatą, in maniere fortunōse,la sō unitāt gieografiche e culturāl (cun esclusion dal mandamenten di Puartgruār ch’al restą tacāt ae provincie di Vignesie), ma al puartave inmņ dutis lis plais e i cundizionaments des tragjediis secolārs che a inderedavin la sō incressite civīl.
La costituzion de Regjon autonome Friūl, puartade indenant fin la ‘47 di Tessitori, Marchet e D’Aronco, no rivą a realizāsi. Dome dopo sedis agns, dal 1963, e fo costituide la Regjon autonome Friūl - Vignesie Julie tal ienfri de republiche italiane. E fo istituide par resons pōc clāris di pulitiche interne (leadis ai cuilibrio des zonis cun lenghis diferentis), e internazionāls (la situazion di Triest e des minorancis talianis de Istrie) e che propit di chestis e reste olme te sprolungje dal non Friūl cun chel di Vignesie Julie (regjon ideāl tra il Friūl e l’Istrie acetāt in forme uficiāl dal 1918), e raprenseta instes un ricognossiment de individualitāt storiche furlane, creant une cunsiderevule ocasion per riprźse economiche e culturāl.

“” Ai furlans di vuź ur spiete il compit di cjapā plene cuscjence de ereditāt storiche dal passāt stant che, come si ą viodūt, dome a lōr al č fidāt il destin de lōr civiltāt. E al č propit a che pont che la storie e po' deventā azion, tant a dī capacitāt di inventā l’ avignī. “”

Par cure di LUZIAN VERONE

Bibliografie :
“Storia del Friuli”, Pio Paschini, 1934-36;
“Il Friuli uomini e tempi”, Giuseppe Marchetti,1959;
“Storia del Friuli”, G.Carlo Menis, 1968;
“Storia dei Friulani”, Gianfranco Ellero, 1987;
“Il Friuli, Trieste e l’Istria nel periodo veneziano”, G.Guerrino Corbanese, 1987;
“La storia del Friuli”, Gianfranco Ellero, 1996.

Un ringrasiament Lusian Verone, che mi 'a permetūt di publicā chestis interesantissimis notis, e a Bruno Badino di Orsaria, che mi 'a dāt une man, par trasferī sul computer, i tescj in furlan.