Poesîs-4

PREJERE DAL CANTÔR
(di Renzo Ceccotti - Gonars)

Grazis Signôr che tu mi âs dade le vôs par cjantà
lis orèlis par scoltâ ogni armonie
le paziènze par imparâ
le costanze par tignî dûr tal coro in aligrie...

Tu âs savût sveâ in me le vôe di cjatami unît
Tôr un cjant ch'al scanzelàve amarezzis e delusiôns
dulà che cjapàvin simpri pît
siums di Vite e di Passiôns...

Grazis par vê nizzade le mè sensibilitât
par vêmi fate svolâ atôr ogni forme di Pâs
par sintîmi Fradi di ogni dismenteât
par sintî le Coscienze che mi sbèrle e che mi tâs...

Ti prei che chist Cjant al sèdi di confuârt
pa'l siôr pa'l pùar e pa'l emarginât
e ch'al dèdi un sbùrt al debul e al fuart
slargjànt amicizie, salùt e furtune su ogni Stât...

Fâs  che duc' e podèdin cjantâ
lis belezzis che girin atôr dal nèstri Creât
che a lis vóltis no savìn cjalâ
in chist mond cussì cambiât...

"Signôr cumò che tu mi âs clamât
fâmi cjantâ tal celèst Coro dai tioi Amîs
chiste me Vite ti à dome onorât
tegnimi cun Tè (se tu pûs) tal lò Paradîs!"