cjantin par furlan, par talian e par sclâf...

AQUILEE
Peraulis di Rico Fruch - Musiche di pre' Oreste Rosso

Dal 1931 ,in tun concors di puisie su Aquilee, a chiste di Fruch e jere stade preferide chè di un'atri autor plui dongje al regjim dal timp. Pre Oreste le à musicade subit dopo le guere a S. Zorz di Nojar, dulà ch'al jere capelan. 

Contadin che tu rompis la tiare
Di Aquilee, ferme i bûs un moment:
Sot il ciamp che la uarzine 'e are,
Sot la man che semene el forment,
Tal soreli e ta l'ombre dal nûl,
jè une impronte di Rome e la stòrie
E la glorie
Dal nestri Friûl.

Barcarûl che tu vens di Barbane,
Quant ch'al sune l'antìc ciampanîl,
No tu sintis un glon di ciampane
Ma une vôs che ti rive dal cîl,
E l'eterne peraule ti dîs,
Une vôs che traviarse la storie
E la glòrie 
Dal nestri paîs. 

Pelegrine de ultime uere,
Mari sante dal nestri Soldât,
Che bessole tu jentris la sere
A preà sot i pins dal Sagrât,
Scolte, scolte lajù il rusignûl
Che ti puarte cun tante dolcezze
La cjarezze
Dal nestri Friûl.

Tal serèn di une clare matine,
Eco, 'e rît la marine là in fonz:
Alze i voi, o giarnazie latine
Su chè blàncie corone di monz,
Sul Friûl ! E ten fede a l'idee
Che no mûr : a la grande memòrie.
E a la glorie
De nestre Aquilee !

Contadin che tu rompis la tiare
Di Aquilee, ferme i bûs un moment:
Sot il ciamp che la uarzine 'e are,
Sot la man che semene el forment,
Tal soreli e ta l'ombre dal nûl,
jè une impronte di Rome e la stòrie
E la glorie
Dal nestri Friûl