biel lant a Messe a...

Dolegna del Collio (GO), 7 Aprile 2013

          La "Fieste dal Friul" a Dolegna - Dolegna del Collio ha ospitato le celebrazioni ufficiali della Festa del Friuli organizzate dalla Provincia di Udine assieme a numerosi altri partners istituzionali. I rappresentanti delle arcidiocesi di Udine e Gorizia e della diocesi di Pordenone hanno celebrato la messa in friulano. Poi c'è stata la lettura della Bolla dell’imperatore Enrico IV. Alle 12 è previsto il saluto da parte delle autorità e la premiazione della seconda edizione del concorso per le scuole “Emozions furlanis in viaç pal teritori”. A seguire ci sarà il pranzo e poi, alle 15, visite guidate della durata di un’ora ai luoghi storici, turistici e promozionali di Dolegna. Per permettere ai giovani di approfondire il momento storico fondativo che la Festa celebra, ovvero l’istituzione (3 aprile 1077) dello stato patriarcale friulano, la Provincia ha consegnato a tutte le scuole che ne faranno richiesta copia del dvd “Friûl viaç tes storie: des origninis ae fin dal stât patriarcjâl”, di Massimo Garlatti Costa, realizzato dalla Provincia stessa.


...il Municipi e la Glesie...

Messa par furlan
celebrade dai rapresentants des trê Diocesis dal Friûl

          La Messe par Furlan e la Celebrazione Ufficiale per la Festa del Friuli si sono sono svolte in un capannone della Cooperativa agricola di Lonzano, attorniati dai macchinari per la lavorazione delle uve e del vino. La Messa era presieduta da mons. Adelchi Cabass Vicario Generale dell'Arcidiocesi di Gorizia, concelebrata con i rappresentanti delle altre due Diocesi friulane ed accompagnata dal Coro dell'UNITRE di Cormons diretto da Alberto Galiussi, all'organo Anita Persoglia. Rappresentava la Diocesi di Udine il Vicario Generale mons. Guido Genero.



 CJANT DI IENTRADE



 TAL NON DEL PARI


...Liturgje de Peraule...

 LETURE DAL VANZELI


Sore sere d'in che dì, la prime de setemane, intant ch'a jerin sieradis lis puartis dal luc là ch'a jerin i dissepui par pore dai gjudeos, al riva Gjesù e si ferma tal mieç di lòr e ur dìs: «Pàs a vualtris!». E dopo dit cussi ur mostra lis mans e il flanc. I dissepui si jemplàrin di gjonde viodint il Signor. Po ur torna a dì: «Pàs a vualtris! Come che il Pari mi à mandàt me, cussi jo us mandi vualtris». E dopo dit cussi al sofla sore di lòr e ur dìs: «Cjapait il Spirtu Sant: a di chei che ur perdonareis i pecjàts, ur saran perdonàts; a di chei che no ur al perdonareis, ur restaran no perdonàts».Tomàs, un dai Dodis, che i disevin Zimul, nol jere cun lòr cuant che al riva Gjesù. I disevin chei altris dissepui: «O vin viodùt il Signor!». Ma lui ur rispuindè: «Se no viòt tes sòs mans il segnal dai clauts e se no met la me man tal so flanc, no crodarai gran». Vot dìs dopo, i siei dissepui a jerin un'altre volte in cjase e cun lòr al jere anje Tomàs. Al rive Gjesù cu lis puartis sieradis e si ferma tal mieç di lòr e ur disè: «Pàs a vualtris!». Po i dìs a Tomàs: «Met il to dèt culi e cjale lis mès mans, e slungje la tò man e metile tal gno flanc, e no sta jessi plui cence fede ma un ch'al cròt». I rispuindè Tomàs e i disè: «Signor gno e Diu gno!». I dìs Gjesù: «Àstu crodùt parceche tu mi às viodùt? Furtunàts chei ch'e àn crodùt cence viodi!». Gjesù, in presince dai dissepui, al fase tancj altris spiei, che no son ripuartàts in chest libri. Chei chi a son stàts ripuartàts par ch'o crodedis che Gjesù al è il Crist, il Fi di Diu, e, crodint, o vedis la vite tal so non. Peraule dal Signor.


 ...bons. Baldass a la
Omilie...


 ...une ocjade su la int in scolte...

FIESTE AI 7 DI AVRÎL
PAR RICUARDÂ LA NASSITE DE NESTRE AUTONOMIE
(Michele Calligaris - Voce Isontina)

          La storie - Nûfcent e trentesîs agns indaûr, in graciis di vêlu lassât tornâ tes Gjermaniis daspò de umiliazion di Canosse, l’Imperadôr Indrì IV al invistì il Patriarcje di Aquilee Sigjeart cuntun feut. Chest gnûf Stât al cjapave dentri sei lis tieris de Contee dal Friûl, implantade dai Langobarts 500 agns prin, che il Cragn e la Istrie. In chê volte, come vuê, o sin intune regjon strategjiche che e je buine di cambiâ la storie. Il Friûl al deventà un Stât indipendent e unitari che al fo un esempli di modernitât par vê vût un dai Parlaments plui antîcs de Europe, screât ai 6 di Lui dal 1231. A Cividât, tal 1353, il Patriarcjât si indotà ancje di une Universitât in graciis dai bogns rapuarts jenfri il Patriarcje Nicolau di Lussemburc e l’Imperadôr Carli IV (il stes dal Puint Carli di Praghe, par intindisi), so fradi lastri. Il podê temporâl dai Patriarcjis al finì cu la concuiste veneziane tal 1420.
          Vuê - Ogni an une schirie di manifestazions par dut il Friûl nus dan pardabon tantis ocasions par cjatâsi e cognossi miôr la nestre culture. Chest an la capitâl de Fieste e je Dolegne, paîs di confins, di bielece e di poesie. La liste interie dai apontaments si la cjate sul sît de Societât Filologjiche, dut câs tal Gurizan o vin: - Tapoian, ai 27 di Març aes 8.30 di sere, esecuzion di bande dal Grup Polifonic Claudio Monteverdi di Rude de Passion di Crist Contade di Zuan di Francesco Corteccia, recitazion Andrea Zuccolo, diretôr Matjaž Š¤ek. - Monfalcon, aes 5 dai 3 di Avrîl, tal Europalace in vie Cosulich, 20, Celebrazion de Fieste de Patrie dal Friûl cu la partecipazion dai storics Mario Salvalaggio e Roberto Tirelli. Iniziative inmaneade dal Fogolâr di Monfalcon. - Dolegne, aes 8 di sere dai 3 di Avrîl, te Tratorie al Collio da Vinicio in vie Zorutti, 21 - Presentazion dai volums III, IX e XII de golaine "Mîts, Flabis e Liendis dal Friûl storic" editade dal Istitût A. Tellini di Manzan. Ilustrazion des publicazions par cure di Luigi Geromet in colaborazion cu "I Viandants" di Basilian e l’Istitût pe culture slovene di San Pieri dai Sclavons. - Dolegne, aes 8 e mieze dai 5 di Avrîl, te palestre de ex scuele elementâr N. Sauro - Spetacul teatrâl "Ce vitis" dai Trigeminus, su tematichis leadis ae poesie e ai scrits dal Strolic di Pieri Zorut.
          Doman - Vint plui di une reson par jessi braurôs, si pues tignî i 3 di Avrîl come la nestre fieste nazionâl, un moment par tirâ fûr la bandiere cu la acuile par visâsi che o esistìn e che no volìn murî. Dut câs, se si à di murî, nol à di jessi un suicidi. Cheste Fieste e je une ocasion di globalizazion buine di doprâ par vierzisi e fâsi cognossi no dome cui forescj, ma ancje cui nestris zovins: no vin di sotvalutâju dome parcè che no ju capìn ad implen. Lis lôr mancjancis a son ancje il spieli di chês des gjenerazions che a son stadis prin di lôr. Si clame Fieste de Patrie, cence agjetîfs, stant che no pues jessi piçule. Ognidun al à une patrie grande tal cûr, fûr di cualchi sotan che al crôt di jessi a stâ te perifarie
di cualsisei altri pont dal mont. Braure, ma ancje cualchi pinsîr plui in sot, stant che o viodìn un Friûl in crisi economiche e rapresentative. Al è tai moments di crisi che il leam jenfri int e tiere e pues dâ rispuestis origjinâls e impussibilis di copiâ inaltrò. Buine Fieste de Patrie a ducj!



 PREJERE DAI FEDÊI



Suspîr da l'anime dôlce Marie,
par me ligrie ca jù no jè
che vinci il gjubilo che 'o sint e 'o brami,
quant che ti clami Marute me!
Marute me, Marute me,
quant che ti clami Marute me!

Marute, o tenare, peraule a dile,
cussì zintile, s'ingrope il cûr
e di dulcissime pâs mi s'inonde
l'anime monde d'afiet impûr.
Marute me! Marute me,
quant che ti clami Marute me!

Prejere dai Furlans


Diu Pari
che tu âs creade
la immensitât dal mont,
che tu âs mandât Ermacure
a implantâ la tô Glesie
su lis maseriis di Aquilee
parcè che e pandi la tô lûs
ai todesc, ai slâvs e ai furlans,
fânus vivi come fradis
te nestre Patrie.

Signôr,
che Tu âs a cjâr il nestri vivi,
fâs che o podèdin onorâti a dilunc,
su la olme di Marc, di Ilari e Tazian,
di Eufemie e Dorotee,
di Cromazi, di Paulin e di Beltram,
di Marc di Davian e di Luîs Scrosop,
semenant vie pal mont
la gjonde di jessi furlans
e di jessi bandiere de nestre tiere.

Spirt di Diu
dânus la fuarze di tignî cont
lis nestris lidrîs,
no par iemplâsi di superbie
ma par savê cui che o sin,
di dulà che o vignìn
e indulà che o podìn lâ,
par fâ incressi l'amôr jenfri ducj i popui.

Madone di Mont, di Barbane, dal Lussari,
Madone di dutis lis glesiis dal Friûl,
cjale des nestris fameis, dai nestris viei,
dai nestris fruts, de nestre int.

Inte lenghe mari e je la nestre preiere;
e come la mari e je chê fortunade creature
che e puarte tal sô grim la samence de vite,
cussi la lenghe e je la samence dai popui.
Che la nestre preiere e rivi tal Cîl
tant che il cjant armoniôs dai furlans.
Amen.

 
       
 BENEDIZION E CJANT FINÂL

 I FESTEGGIAMENTI SONO PROSEGUITI >>>