Flaibano - Mentre l'Arcidiocesi di Udine è in festa per l’ordinazione sacerdotale di tre novelli sacerdoti, alcune parrocchie ricordano anche chi è stato ordinato 50 anni fa. Tra queste, le parrocchie di Flaibano, Barazzetto e S. Odorico si stringono attorno a don Giuseppe Brochetta per ricordare e celebrare il suo giubileo sacerdotale.
     È dal 1975 che don Brochetta è parroco a Flaibano, cui man mano si sono aggiunte la parrocchia di Barazzetto (dal 1989) e quella di S. Odorico (dal 1998). In precedenza ha esercitato il suo ministero come cappellano per un anno a Cividale e per cinque a Galleriano; per una prima esperienza di parroco, fu per 11 anni a Raveo.
     Domenica 6 luglio, giorno in cui 50 anni fa ha celebrato la sua prima Messa a Marano Lagunare, suo paese natale, le tre parrocchie si stringeranno a lui per ringraziare il Signore per il grande dono del sacerdozio e pregare perché non vengano a mancare vocazioni sacerdotali.
     In programma momenti di preghiera e di riflessione nelle tre sere precedenti, che culmineranno nella celebrazione della Messa giubilare, alle ore 11, la domenica. Seguirà un momento conviviale nel nuovo oratorio.      (La Vita Cattolica del 5 luglio 2008)

A Pre Bepino pai siei 50 agns di sacerdozi
(Giacomina De Micheli - 6 Luglio 2008)


 ESTRATTO DALL'INTERVENTO DI "MINE"

      La vuere, come dutis lis vueris, e veve slambrât cjasis, fameis, sintiments e afiets.
     Ancje a Maran e jere passade; un paîs sul ôr dal mâr, dulà che i pescjadôrs stracs a tornavin a cjase sul cricà dal dì, cu lis rêts, a voltis plenis, a voltis vueitis, ma chel pes, al jere il sostentament de famee.
     Ancje la famee di Bepino, un frut come tancj, e viveve di pescje, ma une brute gnot, Pippo, cussi a clamavin la formazion aeree, al mitraliâ la barcje di so pari. Une famee distrute, une famee metude in zenoglon, ma jenfri tant dolôr e stents e butulà une menade: -Un fiol al saltarà fûr dal tronc di Jesse e une menade e vignarà fûr des sôs lidrîs. Sore di lui si poiarà il Spirt dal Signôr, Spirt di cognossince e di timôr di Diu -. Is. 11,1-2. Chel butul di Jesse al nassè jenfri la int di mâr, come ai timps di Crist, framieç dai pescjadôrs. "Us fasarai pescjadôrs di oms!"
     A dodis agns Bepino al jentrà in colegjo, pò in seminari. Il dì di S. Pieri e Pauli tal 1958 al vignì consacrât tal Dom di Udin dal Vescul Zaffonato, insieme a altris 18 zovins contents e seneôs di metisi a lavorâ te vigne dal Signôr.
     Bisugne dî, che Don Bepino al jere il prin predi dal paîs di Maran che al diseve Messe dopo 100 agns. Si pues dome inmagjinâ la fiestone che i àn fat i siei amîs e paiesans pe prime Messe celebrade une setemane dopo de sô consacrazion. Cuissà mai ce che a pensavin chei 19 predissuts distirâts sul saliso dal Dom?
Siguramentri ducj a jerin pronts a partì cun spiri di ubidience e fervôr, cul compit di puartà tal mont, insieme a la lôr fede, il Vanzeli di Crist.
     A chei timps, lis glesiis a jerin plenis, nissune vore si scomenfave cence dî "a glorie di Diu", nuie si finive cence ringraziâ il Signôr. La nestre tiere, fie di Aquileie, e jere siore di tradizions e di valôrs cristians. Cui no si visie des bielis Messis grandis, clamadis: Messis dai Agnui? Processions che no finivin plui, cerimoniis religjosis puartadis indenant di ete in ete cun fede e devozion. Pre Bepino, lu veve sielt il Signôr, cul so jutori nol veve di vê pôre di nuie!
     Cun chest coragjo apostolic tal Otubar 1958 al partì pe prime esperience pastorâl come capelan a Cividât, un an dopo, tal paîs di Gjalarian.
     Tal Dicembar dal 1964, daspò deventât plevan, al cjapà in consegne la parochie di Raveo, lì lu compagna sô sûr Gjeme. Une responsabilitât unevore grande par un zovin plevanut timit e riservât come che al jere lui.
     A Raveo al resta fin tal Otubar 1975 e tal Novembar dal stes an, al riva a Flaiban.
Cun lui a vignirin Gjeme e sô gnece Teresa. La vigne e jere grande e tant lavôr, ma pe mancjance di predis, il Vescul i consegna tal 1989 la parochie di Baracêt, nûf agns dopo chê di S. Durì.
Un pastôr atîf, cun pioris che no simpri i lavin daûr, che no simpri lu ubidivin, pioris dispès cjavestris che dal sigûr lu àn fat penâ.
     Vuê si scugne fa une riflessioni une volte la int e sintive la bisugne di vivi cul Signôr, cumò lis glesiis a son vueitis e il Signôr al ven "doprât" dome in determinadis ocasions. I nestris fruts, a cressin cence Messe, salacor cence preiere. I bêçs, par tancj, e àn jempladis lis sachetis e svuedade l'anime. Ce vino di di al nestri Siôr Santul, come che lu clamavin i vons?
     Soredut, ringraziâu par dut ce che nus a dât, par dut ce che al a fat e che al sta fasint a lis nestris comunitâts e pa lis bielis Messis insioradis cun predicjis nudridis di Peraule di Diu.
     A Don Bepino, o domandìn che al continui a preâ pai nestris fruts, pe zoventût che no si pierdi tal davoi de vite, pes fameis che, magari cussì no, a son sot il burlaç di chest mont trist e salvadi. Te so preiere o domandìn un ricuart pai nestris emigrants, pa la int foreste vignude chenti a cirî furtune, pai malâts, pai vecjos che a stan finint la lôr corse e par chei che àn pierdude la juste strade. Ma no si pues dome domandâ, bisugne ancje prometi e fâ.
     Fruts, cjapait pe man i vuestris gjenitôrs e lait cun lôr a Messe, zovins, che o sês tal flôr de vite, no stait a pretindi cence dâ. Nô che o sin indevant cui carnevâi din il bon esempli. Par tancj lis cjampanis, vôs di Diu, a sunin dibant. Purtrop, la domenie, no je plui ni une zornade di polse, ni une zornade di preiere, la modernitât le a fate deventâ come une fantate che e rît svampide.
     Alore, scomencìn cui vierzi lis puartis a Crist, lui tal moment dal sconfuârt, se o vin fede, nus consolarà. Vivìn cun serenitât e in pâs, cirint di da pâs. Insieme preìn il Signôr che al tegni Don Bepino in salût e a lunc cun nô; un paîs cence predi al è tant che un fogolâr cence fuc.
     Il Signôr, al nestri plevan i a dât il podê di benedî; che nus benedissi e che nus racomandi a la Madone mari di ducj, a lui, la Vergjine Marie i tegni la man sul cjâf e lu compagni simpri.
     Ad multos annos.

Cun agrât lis comunitâts di Flaiban - Baracêt - e S. Durì.
Flaiban - 6 di Lui- 2008.