ïpagjinis furlanis

	Nol impuarte tornarìn a fâlis sù. A nassin fruts, tancj fruts: nol impuarte tant a muerin a grums: A son plens di fruts i cimiteris. Feminis di 40 agns za vecjis, oms gobos e cence dincj, nol impuarte. “Laudamus Domine” dai puars al è il paradîs! E parons, simpri parons. Riverisco ! Ai Venezians, ai Francês, ai Todescs. E simpri cul cjapiel in man. Riverisco! E conts e marchês  e “ Jus primae noctis” e fruts bastarts. E predis che no prein, predis ch’a pratindin bêçs e cuartês. E simpri dilunc. O vin fate l’Italie. O sin lâts cun Garibaldi. Une vuere, dôs vueris. Muarts, simpri muarts ; simpri cjasis sdrumadis, simpri bestiis maçadis, simpri racolts robâts, brusâts! Vie. Libie, Abissinie, Eritree e Somalie, Grecie e Russie. Ancjemò forescj cjase nestre. Cjamps di concentrament, resistence Si sin copâts tra di nô. Popolo bue! E chei parons che prin si cridavin cumò van a bracet. Lotâ par un lavôr, lotâ pal pan, lotâ par un tet sul cjâf. E nô, che ducj o vin vûts in cjase in cjase di altris o sin lâts: par fan. Ator pal mont, tratâts come apestâts. In cuarantene prin di jentrâ. La Meriche siore e vûl int sane. Tisics e tubercolôs no jentrin in Svuissare. La cjase e je lontane; “ dai polenton lavore”. Ingrume, ingrume, une palanche sore che altre, ingrume, ingrume. O vin il mâl dal madon. Cjase gnove, biele grande nol impuarte se paiade cul palmon! A fuarce di vitis o sin rivâts. Il mont al è cambiât, non vin plui bisugne di la atôr. A’nd è avonde cjase nestre. O sin siôrs, passûts, par nissun scugnìn gjavâ el cjapiel. No sin plui cristians ancje se o lin in glesie. Il nestri gnûf signôr al è il diu carantan. E i barbars ch’a passin no copin, no sdrumin e no macin ma a slungjin la man: a son lôr cumò ch’a àn fan.
La nêstre storie (Agata Deana - Cjasteons di Strade, 2002)  Romans e barbars a passin, a sdrumin, a macin. Nuie nus lassin. Nancje i voi par vaî. Cjasis brusadis, bestis robadis, feminis plenis. Puar paîs gno ! Tiere di passaç par gjeniis lontanis dai sflandôrs di Aquilee e di Rome clamadis. Visigots e Unni, Ostrogots, Langobards, Francs, Ongjars e Turcs. E vie dilunc. Ognidun ch’al passe il so segno al lasse. E nô chi, un an par l’altri, a lavorâ la tiere. Preant. Pal sut, pe folc e pe saete, pe aghe che ogni robe e nete cuant che rabiose e nere e pâr ch’e vueli vendete. Pai barbars e pai taramots. “ A fulgure tempestate” - Libera nos Domine – “ A peste fame et bello” - Libera nos Domine – A brusin li glesiis:
LA NOSTRA STORIA (Agata Deana) Romani e barbari passano, distruggono, ammazzano. Nulla ci lasciano, neanche gli occhi per piangere. Case bruciate, donne gravide. Povero Paese mio! Terra di passaggio per genti lontane dagli splendori di Aquileia e di Roma chiamate. Visigoti e Unni, Franchi, Ongari e Turchi. E più, e più ancora. Ognun che passa il suo segno lascia. E noi qui, anno dopo anno a lavorar la terra. Pregando. Per la siccità, per la folgore e la saetta, per l’acqua che tutto travolge quando rabbiosa e nera sembra voler vendetta. Per i barbari e per i terremoti. “A fulgure tempestate” -Libera nos Domine – « A peste fame et bello » - Libera nos Domine -. Ci bruciano le chiese : non importa, torneremo a tirarle su. Nascono bambini, tanti bambini: non importa, ne muoiono tanti! Sono pieni di bimbi i cimiteri. Donne a quarant’anni già vecchie, uomini gobbi e senza denti; non importa. “Laudamus Domine” Dei poveri è il paradiso! E padroni, sempre padroni. Riverisco! Ai Veneziani, ai Francesi, ai Tedeschi. Riverisco! E conti e marchesi e “Jus primae noctis” e bimbi bastardi. E preti che non pregano, preti che pretendono soldi e quartese. E sempre avanti.	Abbiamo fatto l’Italia. Siamo andati con Garibaldi. Una guerra, due guerre; sempre case distrutte, sempre bestie ammazzate, sempre raccolti bruciati! Via, Libia, Abissinia, Eritrea e Somalia, Grecia e Russia. Ancora stranieri a casa nostra. Campi di concentramento – resistenza – Ci siamo ammazzati fra fratelli. Popolo bue! E quei padroni che prima litigavano ora vanno a braccetto. Lottare per un lavoro, lottare per il pane, lottare per un tetto. E noi, che tanti abbiamo avuto in casa, in casa d’altri siamo andati: per fame. Via, in giro per il mondo. Trattati come appestati. In quarantena prima di entrare. L’America ricca vuol gente sana. Tisici e tubercolosi non entrano in Svizzera. La casa è lontana: “su polentone, lavora!” Ammucchia, ammucchia, un soldo sopra l’altro, ammucchia, ammucchia. Abbiamo il male del mattone. Casa nuova, bella, grande non importa se pagata col polmone! Con tanta fatica siamo arrivati. Il mondo è cambiato, non abbiamo più bisogno di emigrare. Ce n’è abbastanza a casa nostra. Siamo ricchi, pasciuti, per nessuno dobbiamo toglierci il cappello. Non siamo più cristiani anche se andiamo in chiesa. Ora abbiamo un nuovo Dio; il nostro nuovo padrone è il dio denaro. E i barbari che passano non incendiano, non distruggono, non ammazzano. Ma tendono la mano, chiedono pane. Adesso sono loro che hanno fame.

Cui vôi dai piçui Fantacins e fantacinis PRE VIGJI GLOVAZ La Vita Cattolica - SABATO 2 FEBBRAIO 2008      CU LIS PERAULIS frutats e frutatis, garzons o muiarts, si intindin chei fruts e frutis che a dan la volte par deventâ fantacins, che a van in mude, che a slungjin vues, gnerfs, sanc, pinsîrs, estri e muse. Lis fantacinis a son saldo a cjalâsi tal spieli e a cjaminin par strade come che a fasessin biele mostre sot dai rifletôrs, cun ducj i vôi de int, intor. I garzons, dopo une partence in ritart rispiet a lis polzetis, a tachin a menâ cence armonie, i braçs che a ur rivin fint tai zenoi, il pêl muiart, il cjâf tai nûi, che a segnin ploie e bon timp in chel istès. Une etât, la lôr, che si scuen passâle, ma di no tornâ indaûr nancje se ti prometin mieç mont!      Mi son vignûts tal cjâf, cu lis lôr lubiis, chê altre dì che o scoltavi par aradio lis conclusions di un studi che i psichiatrics dai fruts e an fat dal 2004 al 2007. Su miârs e miârs di scrutinâts, mascjos e feminis, dai dîs ai cutuardis agns, a son rivâts a la conclusion che cetancj di chescj biâts fantacins a patissin disturps psichics. Par sedi precîs: il 7% di ansie e lancûr; il 5% di stoçs, formis compulsivis e ossessivis; il 10% di fobiis sociâls. Ven a stâi che il 22% di lôr al côr il riscjio di colâ de soference te malatie psichiche. E lis causis cualis puedino sedi?      A disin: dificoltâts e disturps neurobiologjics, in struc: fâi di fabriche; trascurance dai gjenitôrs che, la plui part, a son restâts malmadûrs come la ue sanmartine; carence di atenzion de societât, tant a dî che no ur impuartin a nissun; infin cualitât de vite che e fâs riviel.      O vin di rindisi cont che si fevele di chei che a frecuentin la scuele medie e la prime superiôr; chei che a vegnin a dutrine e che a si preparin pe Cresime; chei che a fasin la setemane di campament cu la parochie e la gjite cu la scuele, pe disperazions dai educadôrs e animadôrs! Culì si ven a cognossiju e si pandin caratars, tindincis, debilitâts, flaperiis, formis di vite clopadicis e talents in bocul.      Simpri plui a cressin cun mîl pôris e insigurecis, cu la tindince a stâ in bande, bessôi e pinsirôs, a cjalâ tal vueit o chei altris.      Ce pratindi di miôr se no ju lassìn frontâ lis dificoltâts de etât e des situazions gnovis! A son obleâts a telefonâ a la mame ogni mieze ore; no si separin mai dal telefonin, tant che Linus dal peçot e i pitinins dal cjucj; a telefonin a cjase vaiots, a la prime dificoltât cui compagns dal grop, par che ju vegnin a cjoli; a son impedîts di cjapâ decisions par cagneris; a son sparagnâts des fadiis, dai sacrificis, des delusions e des sdramassadis; a si ju lasse decidi dome cul criteri di ce che ur plâs o displâs; no an il timp bastant par imparâ a parâsi dai prepotents o maleducâts.      Sglonfâ la pôre par une scussade, un rafredôr, il soreli o la ploie, la strade, la montagne, il scûr, la fiere, lis bestiis, cui che no si cognòs, il vilan, il pidimentât e parâju, saldo, devant dai educadôrs, ur stuarç la percezion de realtât, ur impedìs di cjalâ la vite e chei altris cun fiducie, al sglonfe al parossismi la insigurece, che e je une condizion naturâl e la cuince de vite.      In conclusion, cui a dit che i fantacins no si ju sfuarce di fâju passâ pe «puarte strete» (Lc 13,24), ma, puars disgraciâts, e devi sedi propit chê che e mene tal manicomi! Comunitâts par strade La parochie «catoliche» ch’al ûl dî «di ducj» PAR CURE DI PRE RIZIERI DE TINA La Vita Cattolica - SABATO 2 FEBBRAIO 2008       A MI LA PAROCHIE mi plâs di murî! «La parochie e je la prime comunitât "catoliche", tant a dî "di ducj"» (Il volto missionario delle parrocchie in un mondo che cambia).      Jê e considere ducj «di famèe». No met condizions di apartignince, no pare vie nissun! Forsit propite par chel e à scjavaçât vincj secui di storie! De parochie a son chei che e vegnin a Messe la domenie.      E chei che no vegnin: cierts, ju cjape cul Otavari, là che a vegnin ducj i vot dîs, cence sbalgjâ ’ndi un; altris, che e àn pôre dal mâl, ju cjape cu la Fieste de Madone de Salût; chei che e àn pôre de tampieste, cu lis rogazions; chei che i tegnin es bestiis, cun S. Antoni; po ju cjape ducj, o scuasit, cul funerâl. Al samee di viodi il mosaic di Gjone de basiliche di Aquilee là che, par pescjâ, i apuestui, a doprin l’am o la rêt o la nasse o il laç… secont ce che e àn di cjapâ. E «di famee» a son ancje chei che e son lâts a stâ fûr, vie dal paîs, pal Friûl o pal mont. Par chel, cuant che e muerin, si sune la cjampane e si dîs rosari ancje par lôr, parceche il paîs nol pues dismenteâsi dai soi fîs.      «Di famee» al jere ancje Tin. Cuant che o lavi a benedî nol veve di jessi a cjase, e la femine mi faseve di moto, pal barcon, che o podevi jentrâ. No si lu à mai viodût in glesie, la sô glesie al jere il bosc e i arbui lis colonis ch’a sostignivin la cupule dal cîl. Ma cuant che al è muart… ce biel! Lui al è jentrât, puartât di cuatri di lôr, dal so paîs, a cjapâ la sô ultime Messe in chest mont, là devant, cu dute la sô int atôr che preant lu compagnave tal «passaç» là che lui nus varès spietâts ducj.      Tai nestris paîs ducj i moments impuartants de vite, dal nassi al murî, si ju celebrave tes formis tradizionâls, cristianis. Ma cumò si van zontant altris formis: cuant che al nas un frut, la cicogne si zonte al batisim; cuant ch’al finis i agns si fâs la fieste cui amîs (tal tacâle, si disial un “Glorie”?); cuant che al cres, la patente e perfezione la Cresime; il matrimoni in comun, al sta deventant alternatîf a chel in glesie… cul funerâl al è plui dficil...       E je muarte une femine e bisugnave fâ, par volontât de famee, il funerâl civîl. La int si è dade dongje inte cjase de muarte e, te ore stabilide, e je partide in corteu cu la bandiere devant, tal puest de crôs. Compagnant la muarte la int no saveve ce fâ… e planc planc e à tacât a cjacaruçâ. Alore siore Gjine e à inviât, come che e usave in ducj i funerâi: «Deus in adiutorium meum intende!» e ducj daûr: «Domine ad adiuvandun me festina!» E cussì le àn compagnade, preant, fint intal simitieri, parcè che ancje jê e jere «une di nô». Dopo temporanea permanenza in copertina, i testi saranno archiviati nelle rispettive rubriche dell'elenco di sinistra.